10 fólk starvast í dag á el-deildini hjá skipasmiðjuni Mest, og átta av hesum vóru herfyri á fýra dagar longum skeiði í PLC-skipanum og frekvens-umformarum.
- Hetta gera vit fyri at tryggja, at Mest alsamt er í fremstu røð og hevur neyðugu førleikarnar at nøkta tørvin á marknaðinum.
Mest upplýsir, at síðan Pauli Jarnskor tók við sum leiðari á el-deildini hjá Mest í desember í 2015 eru ymisk tiltøk sett í verk fyri at umlaga og styrkja deildina. Fleiri fólk eru komin, og førleikarnir eru styrktir.
- Tað var Søren Nørgård Andersen frá Schneider í Keypmannahavn, ið stóð fyri skeiðnum, sum var hildið á el-deildini á skipasmiðjuni. Skeiðið var ein blandingur millum teori og verkligar venjingar.
Um áhugi er, kunnu fleiri myndir frá skeiðnum síggjast á www.mest.fo
