Føroyingar keyptu munandi fleiri nýggjar persónbilar fyrra hálvár í ár enn sama tíðarskeið í fjør.
Tað vísa tøl frá Akstovuni.
Frá januar til juni 2026 vórðu 858 nýggir persónbilar skrásettir. Sama tíðarskeið í 2025 var talið 781. Vøksturin er sostatt 77 bilar ella 9,9 prosent.
Samstundis vísir ein samanbering av føroysku bilaparkini 1. januar og 1. juli, at elbilarnir standa fyri størsta partinum av nettovøkstrinum.
Talið av elpersónbilum vaks úr 2.941 upp í 3.182 – ein vøkstur á 241 bil ella 8,2 prosent. Samlaða talið av persónbilum vaks við 356.
Elbilarnir svara sostatt til 67,7 prosent av nettovøkstrinum í bilaparkini. Hetta merkir tó ikki neyðturviliga, at 67,7 prosent av øllum nýskrásetingum vóru nýggir elbilar. Tølini um bilaparkina fevna eisini um innflutt brúkt akfør og bilar, sum eru tiknir úr skráseting.
Renault er mest skrásetta bilmerkið fyrra hálvár við 163 nýggjum persónbilum. Tað svarar til 19 prosent av øllum nýskrásetingunum.
Toyota er nummar tvey við 133 bilum, og BMW er komið heilt upp á triðja pláss við 104 bilum.
Stóra Renault-sølan stavar fyrst og fremst frá Renault Captur. Av teimum 163 Renault-bilunum vóru 120 Captur.
Hjá BMW er gongdin uppaftur meira eyðsýnd. 100 av teimum 104 BMW-bilunum vóru ymiskar skrásetingar av BMW X1 sDrive18i.
Her eiga vit at geva gætur, at sera nógvir leigubilar eru á føroysku vegunum um summarið. Tað ávirkar hagtølini nógv, serliga tá hagtølini ikki visa, hvussu nógvir leigubilarnir eru í tali.
Mest seldu bilmerkini januar–juni 2026
|
Pláss |
Merki |
Bilar |
Marknaðarlutur |
|
1 |
Renault |
163 |
19,0 % |
|
2 |
Toyota |
133 |
15,5 % |
|
3 |
BMW |
104 |
12,1 % |
|
4 |
Nissan |
95 |
11,1 % |
|
5 |
Hyundai |
93 |
10,8 % |
|
6 |
Mazda |
43 |
5,0 % |
|
7 |
Volkswagen |
32 |
3,7 % |
|
8 |
MG |
29 |
3,4 % |
|
9 |
Škoda |
29 |
3,4 % |
|
10 |
Mercedes-Benz |
22 |
2,6 % |
Tey fimm størstu merkini standa einsamøll fyri nærum 69 prosentum av øllum nýskrásettum persónbilum.
