U16 gentulandsliðið, sum á heimavølli skal taka ímóti Finnlandi, Danmark, Svøríki, Íslandi og Írlandi, er nú endaliga úttikið. EM-kapppingin verður í Stórhøllini á Hálsi. Fyrsti dysturin verður spældur fríggjamorgunin 4. januar klokkan 8.30. Øll liðini koma til landið við Atlantic Airways hósdagin, og gista á Hotel Føroyum.
Liðini eru býtt í tveir bólkar. Føroyar eru í bólki saman við Danmark og Írlandi. Í hinum bólkinum eru Finnland, Svøríki og Ísland.
Fríggjdagin skulu Føroyar spæla tveir dystir:
kl. 15.00 Føroyar – Írland
kl. 19.30 Danmark - Føroyar
Hinir dystirnir fríggjadagin eru hesir:
kl. 8.30 Finnland - Ísland
kl. 10.30 Danmark - Írland
kl. 13.00 Svøríki - Ísland
kl. 17.30 Finland – Svøríki
Hildið verður síðani áfram við hálvfinalum og finalum leygardagin og sunnudagin. Allir dystirnir verða stroymdir – um hetta er nærri kunnað um á www.fbf.fo
Úttiknu spælararnir eru:
TB:
Bjarta Sørensen
ÍF:
Nicola Toftegaard
KÍF:
Milja Silvansdóttir
Kristianna Bartalsdóttir
Dráttur:
Paula Nattestad Joensen
Kristina Louisa Thomassen
SÍ:
Anja Sólja Niclasen
Bára Jansdóttir
Malan Maria í Haraldstovu Weihe
Rannveig Rós Joensen
Sofía Weihe Simonsen
Tóta Búadóttir
Venjarar eru Rajko Petrovic og Hans Simonsen.
