Vandi er fyri, at maðurin, sum breyt inn á Landssjúkrahúsið og Læknamiðstøðina í Gundadali í Havn, fer at gera líknandi lógarbrot aftur. Tí varð hann varðhaldsfongslaður fram til 1. september, hóast hann viðgekk seg sekan, sigur ákæruvaldi.
Maðurin breyt inn á Landssjúkrahúsið tvær ferðir og einaferð inn á Læknamiðstøðina, og slapp eisini avstað við nakað av heilivági.
25 ára gamli maðurin, sum býr í Havn, er gamal kenningur hjá løgregluni og er áður dømdur fyri stuldur.
