ES-londini samtyktu í dag lóggávu, sum letur upp móttøkumiðstøðir uttan fyri ES.
Hetta hendi á fundi hjá ráðharrunum í ES-londunum við ábyrgd av innanríkismálum.
– Hetta hevur verið ein høvuðsprioritetur hjá okkara ES-formansskapi. Í Danmark hava vit í mong ár havt ynski um at skapa eina grundleggjandi nýggja asylskipan í Evropa, sigur Rasmus Stoklund, sum er danskur integratiónsráðharri .
Hann heldur, at tey tingini, sum ES-londini skulu taka til sín í dag, eru "ógvuliga týdningarmikil" fyri at stýra tilflytingini, so tað eru "evropisku fólkaræðini og fólkið", sum gera av, hvør kemur til Evropa.
- Í dag eru tað menniskjasmuglarar, sum stýra atgongdini til Evropa. Nógv av teimum, sum royna at koma higar, drukna á leiðini. Og harumframt eru heimsins fátækastu forðað í at koma hagar, sigur Rasmus Stoklund.
Nú skal avtalan samráðast upp á pláss við ES-tingið, áðrenn hon kann umsetast til lóggávu.
Tá noyðast kanska ES-londini at byrja í smáum bólkum fyri at finna lond uttan fyri ES, sum eru sinnað at hýsa móttøkumiðstøðum.
Síðani kunnu friðskjólsøkjarar flytast til hesar, meðan teirra umsókn um friðskjól í ES verður viðgjørd.
/Ritzau/
