Hósdagin 5. mars, sum er hósdagin komandi, verður evnisdagurin: “Jesus við umborð” í Leguhúsinum í Nesvík.
Í nøkur ár hevur Føroyska Sjómansmissiónin skipað fyri hesum degi, har ymisk áhugaverd evnir eru viðgjørd.
- Høvuðsendamálið er at styrkja sjófólk í kristnari trúgv og tænastu, sigur sjómansmissiónin.
Dagurin í Nesvík byrjar klokkan 9 við morgunmati og endar klokkan 16. Ymiskt áhugavert verður á skránni.
Hanus á Gørðum, sjúkrahúsprestur, fer at tosa um: “Hvussu møta menniskjum?”
Torleif Johannesen, sjómanstrúboðari, fer at tosað um: “Nær er trúgvin nóg stór?”
Síðsti tímin kallast: “Sjómaður hevur orðið?” Tá fer Høgni við Rætt, at siga frá.
Á skránni verður eisini døgurði og drekka, og øll sjófólk eru vælkomin!
Síðsta freist at tekna seg er týsdagin 3. mars á www.mission.fo/tilmelding
