Tað eru góð líkindini at rógva kapp í Sørvági, har tað í dag er vestanstevna.
Fyrsti kappróðurin var millum dreingir í barnaróðrinum.
Har gekk tað, sum tað hevur gjørt allar tær fimm undanfarnu ferðirnar.
Fípan Fagra úr Klaksvík var fyrst á mál. Fípan Fagra hevur fult stigatal, og óføru dreingirnir úr Klaksvík hava vunnið FM longu, áðrenn teir fara á ólavsøku.
Í dag vóru teir sjey sekund ella meiri enn tvær bátslongdir undan fremsta avbjóðaranum, sum í dag var Dúgvan úr Sørvági. Dúgvan vann kappingina um næstfremsta plássið við Knúk úr Eysturkommunu. Knúkur er næstfremstur í FM kappingini. Tað eru ellivu stig frá Knúki og fram til Fípuna Føgru, sum tað tískil ikki ber til at røkka, hvørki hjá Knúki ella nøkrum øðrum báti.
1 Fípan Fagra 2:32.14
2 Dúgvan 2:39.09
3 Knúkur 2:41.02
4 Spógvin 2:42.15
5 Ingibjørg 2:44.20
6 Pílur 2:45.37
7 Falkur 2:46.04
8 Firildur 2:46.07
9 Nísan 2:53.25
10 Royndin Fríða 3:00.29
FM
1 Fípan Fagra 42
2 Knúkur 31
3 Fiskurin 25
4 Dúgvan 23
