Tað skrivar ukrainski forsætisráðfrúan, Julia Svyrydenko, á sosiala miðlinum X.
- 13 privat heim vórðu oyðiløgd, og 14 fólk vórðu send á sjúkrahús - teirra millum tríggir dreingir í aldrinum fimm mánaðir, fýra ár og seks ár, skrivar hon.
Sambært ukrainska flogvápninum sendi Russland í dag tilsamans 93 dronur og tvær rakettir inn í landið, og 20 støð vórðu rakt.
- Russland vísir framvegis sín ótta gjøgnum yvirgangsgerðir um alt Ukraina, og raka enn einaferð heim hjá familjum og teirra sovandi børnum, skrivar ráðfrúan.
/Ritzau/
