Hetta sæst í ársfrágreiðingini hjá felagnum fyri 2025, sum er kunngjørd á vinnuvitan.fo. Samstundis minkaði eginognin úr 541,5 milliónum krónum niður í 487,6 milliónir krónur.
Leiðslan vísir á, at 2025 var merkt av ótryggleika í heimsbúskapinum. Serliga verður nevnt ófriðurin í Ukraina og óvissan um gongdina í heimsbúskapinum, sum hevði ávirkan á virksemið hjá felagnum.
Faroe Ship rekur flutnings- og logistikkvirksemi og veitir tænastur innan millum annað farmasigling, útflutning, innflutning, goymslu, flutning á landi og Faroe Express-tænastuna.
Hóast stóra hallið væntar leiðslan eitt betri rakstrarúrslit í 2026.
– Vit vænta, at føroyska samfelagið kemur lutfalsliga væl ígjøgnum verandi avbjóðingar, og tí vænta vit, at rakstrarvinningurin í 2026 verður nakað betri enn í 2025, skrivar leiðslan í frágreiðingini.
Miðaltalið av ársverkum í felagnum var 145 í 2025, samanborið við 170 árið fyri. Eginognarparturin var framvegis høgur, 91,2 prosent.
Høvuðstøl 2025
- Úrslit eftir skatt: -53,9 mió. kr.
- Rakstrarúrslit (EBIT): -55,2 mió. kr.
- Eginogn: 487,6 mió. kr.
- Ognir tilsamans: 534,7 mió. kr.
- Starvsfólk (ársverk): 145
- Eginognarpartur: 91,2%
