Fert tú at ferðast í Føroyum í summar – ella verður tað ein túrur av landinum?
- Tað verður innanoyggja, harímillum ein túrur til Skálavíkar í summarhús, sigur Sigvald Zachariasen.
Sig eitt sindur um tínar ferðaplanir í ár?
- Ongar planir fyri í ár sum so, men nógvar planir á egnum matrikli. Nú fáa at síggja, hvat verður fingið frá hondini.
Hevur tú ferðast í flestu oyggjum í Føroyum – ella er onkur oyggj eftir at vitja?
- Mær vantar at vitja í fimm oyggjum, Fugloy, Mykinesi, Skúvoy, Stóru Dímun og Lítlu Dímun .
Sigvald heldur, at hetta má hann fara at gera okkurt við.
Hvønn týdning hevur tað fyri teg at sleppa út at ferðast?
- Tað hevur nokso stóran týdning. Men, hetta at fara suðureftir sigur mær púra einki.
Sigvald Zachariasen heldur fyri, at tað er fínasta slag at ferðast í Danmark.
- Men, allar best dámar mær at ferðast í egnum landi, leggur hann aftrat.
Í VikuskiftisSosialinum, sum fæst til keyps í blaðsølunum, eru fleiri fólk spurd um sínar ferðaplanir í summar.
Lesið eisini: At ganga í náttúruni er gott fyri sál og sinni
https://www.in.fo/news-detail/at-ganga-i-natturuni-er-gott-fyri-sal-og-sinn
