Fimm palestinar vórðu í morgun dripnir av ísraelskum hermonnum í Gazabýi, eftir at teir fóru um sokallaðu gulu linjuna, upplýsir ísraelski herurin.
Tað skrivar ísraelski miðilin The Times of Israel.
Gula linjan er økið, har ísraelski herurin framvegis virkar í Gaza, eftir at vápnahvíldin millum Ísrael og Hamas kom í lag.
Sambært ísraelskum miðlum heitir ísraelski herurin á íbúgvarnar í Gaza um at "fylgja boðum og ikki nærkast hermonnum, sum eru staddir í økinum".
