Sambært einari frágreiðing hjá ukrainska verjumálaráðnum eru fleiri enn 40.000 kvinnur í ukrainska herinum.
Her stríðast tær ímóti russiska hersetingarvaldinum.
Hetta merkir, sigur ukrainska verjumálaráðið, at stívliga 5 prosent av ukrainska herinum eru kvinnur.
Lagt verður aftrat, at umleið 5000 av ukainsku kvinnunum í herinum eru beinleiðis við á hermótinum.
Í frágreiðingini verður sagt, at síðan Russland leyp á Ukraina hin 24. februar í fjør hava tilsamans 13.400 kvinnur verið beinleiðis við í hernaðaratgerðum móti russum.
- 41 prosent av kvinnunum eiga børn, harav 2.500 eru stakar við børnum, veit tíðindastovan NTB at siga í morgun.
