Ofta verður sagt, at tey ungu eru dovin, hugsa bert um seg sjálvan ella líkaglað við alt. Men hjá donsku blóðgevunum hava tey kortini eina aðra hugsan.
Heldur tvørturímóti, tí støðan er hon, at helmingurin av øllum nýggjum blóðgevum, sum tey fingu aftrat í skipanina í fjør, vóru undir 25 ár.
Staðfestast kann, at sløk 53 prosent av øllum nýggjum donorum vóru í aldrinum 17 til 25 ár.
- Eftir at vit byrjaðu at fáa hagtøl um nýggjar blóðgevarar, er hetta tað hægsta talið nakrantíð, upplýsir Jesper Villumsen, sum er aðalskrivari í felagnum Bloddonorerne i Danmark.
