Í kvøld er eitt heldur frekt kvøld á skránni í Club 700 í Klaksvík. Stripparin Celina vísir síni kynstur í klubbanum.
Í kvøld verður eitt heldur øðrvísi og frekt kvøld á skránni í Club 700 í Klaksvík.
Tað er nevniliga soleiðis, at danski stripparin Celine kemur á vitjan, og ætlar at vísa síni kynstur og kanska okkurt annað fyri gestunum í klubbanum.
Haraftrat verður ein sokallað event genta í klubbanum, og hon er eitt nú eitt kent andlit í bilmessum í Danmark, og hevur hon royndir sum bartendari.
Úr Club 700 verður sagt, at tey vænta eitt frekt og stuttlig kvøld.
Niðara hæddin í klubbanum er júst umvæld, og her verður diskotek við DJ-X. Í ovaru hæddini verður karaoke á skránni.
Meira kann lesast um tiltakið á Facebook síðuni hjá tiltakinum, sum er at finna her:
www.facebook.com/events/262271517196069/
