Talan hevur verið um misjavna gongd hjá norðanlondum í HM-endaspælinum í kvinnuhondbólti, sum er í Danmark í hesum døgum.
Danmark hevur higartil vunnið tveir tryggar sigrar. Í dag gjørdist talan um ein 32-20 sigur yvir Tunesia. Danmark var á odda 16-10 í steðginum. Ìgjár vann Danmark 30-21 á Japan. Danmark og Ungarn hava fýra stig í bólki A, Montenegro hevur trý stig.
Svøríki vann í dag 31-30 á Póllandi. Svøríki var á odda 15-13 í steðginum. Ìgjár vunnu svensku kvinnurnar stórsigur 37-23 á Angola. Svøríki og Niðurlond eru á odda í bólki B við fýra stigum hvør.
Noreg er komið illa frá byrjan. Norsku kvinnurnar leiktu ígjár ímóti Russlandi og taptu 25-26. Russland var á odda 14-11 í steðginum. Í morgin spælir Noreg ímóti Puerto Rico, sum tapti 14-47 ímóti Rumenia, so tað er ein dystur norsku kvinnurnar eiga at vinna. Í bólki D, har Noreg leikar eru Rumenia, Russland og Spania á odda við tveimum stigum hvør.
Úrslitini í dag :
Kina-Kuba 29-30
Japan-Montenegro 23-29
Angola-Niðurlond 24-37
Serbia-Ungarn 26-32
Svøríki-Pólland 31-30
Danmark-Tunesia 32-20
Úrslitini í gjár :
Danmark-Japan 30-21
Svøríki-Angola 37-23
Brasil-Suðurkorea 24-24
Noreg-Russland 25-26
Kuba-Pólland 22-27
Frakland-Týskland 30-20
Spania-Kasakstan 31-10
Ungarn-Tunesia 39-20
Niðurlond-Kina 42-21
Argentina-Kongo 23-15
Rumenia-Puerto Rico 47-14
Montenegro-Serbia 28-28
