Fyrr í kvøld fann ein bátur grind útfyri Víkarbyrgi.
Hildið varð ikki, at talan var um stóra grind, kanska 50 hval, og hildið varð eisini, at springarar vóru í millum, men teir lótu menn sleppa.
Nakrir batar komu til, men heldur striltið var at fáa rakstur á grindina. Men um 21 tíðina kom ferð á, og nakað fyri klokkan 22 í kvøld varð grindin hildin til í Vági.
Drápið gekk skjótt og væl, og grindin er helst nakað størri, enn mett varð frammanundan, kanska um 100 hval.
##med2##
##med3##
##med4##
