Tað var Erling Haaland, sum gjørdist stóra hetjan, tá hann skoraði sigursmálið í 86. minutti.
Antonio Nusa legði Noreg á odda, men Amad Diallo javnaði fyri Fílabeinsstrondina, áðrenn Haaland avgjørdi dystin stutt undan leikloki.
Við sigrinum hevur Noreg tryggjað sær pláss í áttandapartsfinaluni, har mótstøðuliðið verður Brasil, sum fyrr hevði vunnið 2-1 á Japan.
Tá Erling Haaland spælir við norska landsliðnum, er hann sjáldan málleysur.
Í kvøld skoraði hann fyri 13. landsdyst á rað og gjørdist sum sagt stóra hetjan, tá Noreg vann 2-1 á Fílabeinsstrondini í 16. partsfinaluni í HM.
Málið var tað 60. hjá Haaland í bert 53 landsdystum og tryggjar Noregi pláss í áttandapartsfinaluni, har Brasil verður mótstøðuliðið 5. juli.
Dysturin var javnur allan vegin. Fílabeinsstrondin hevði nógv av spælinum í løtum, men hevði trupult við at skapa veruliga vandamiklar málmøguleikar.
Norska verjan stóð væl skipað undir leiðslu av Ståle Solbakken, og undan steðginum vóru norðmenninir vandamiklari.
Eftir 39 minuttir legði Antonio Nusa Noreg á odda við einum framúr máli. Hann dróg inn úr vinstru og skrúvaði bóltin vakurt upp í handara málhorn.
Eftir steðgin trýsti Fílabeinsstrondin meira, og eitt korter fyri leiklok javnaði Amad Diallo. Manchester United-leikarin hevði júst verið á vøllinum í umleið 15 minuttir, tá hann við góðum samanspæli og snildum fintum gjørdi seg leysan og sendi bóltin í málið til 1-1.
Men í 86. minutti avgjørdi Noreg dystin. Patrick Berg spældi tvørtur um brotsteigin, har Haaland stóð leysur og setti bóltin trygt í netið til 2-1.
Fílabeinsstrondin trýsti hart í teimum sjey eyka minuttunum, men ein vælspælandi Ørjan Nyland í norska málinum syrgdi fyri, at Noreg helt stand.
/Ritzau/
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
##med16##
##med17##
##med18##
##med19##
##med20##
##med21##
##med22##
