Uttanlandstænastan er í holt við at gjøgnumganga allar innkallingar fram til 1. mai.
Trýstið er stórt á telefonirnar, og tí verður heitt á sjúklingar um í mest møguligan mun at bíða við at ringja. Uttanlandstænastan ringir til øll, har broytingar eru.
Í fyrstu syftu fáa tey boð, sum eru innkallaði í vikuni aftaná páskir, skrivar Landssjúkrahúsið.
Læknavaktin flytur fyribils
Sum ein liður í at fyribyrgja koronasmittu á Landssjúkrahúsinum, verður Læknavaktin 1870 fyribils flutt niðan í hølini hjá Amaliu Danielsen í Kirkjustræti í Hoyvík. Læknavaktin heldur tó framvegis til á Landssjúkrahúsinum um náttina.
Tey, ið vilja hava fatur á Læknavaktini, skulu eins og áður ringja 1870.
Frá týsdegnum 7. apríl heldur Læknavaktin til á hesum støðum hesar tíðir:
• Í Kirkjustræti gerandisdagar klokkan 16 til 24.
• Í Kirkjustræti vikuskifti og halgidagar klokkan 8 til 24.
• Á Landssjúkrahúsinum frá klokkan 24 til 8 allar dagar sum vant.
