Rói Ellefsen á Skipagøtu og liðfelagarnir í Hallby spældu ígjár dyst á heimavølli í Jönköping í bestu svensku hondbóltsdeildini. Á vitjan var oddaliðið, Hammarby.
Dysturin í Jönköpings idrottshus endaði við 32-27 sigri til Hammarby, ið var frammanfyri við trimum málum í steðginum, 16-13.
Rói kom til 10 málmøguleikar, og hann setti fýra av teimum í netið. Rói legði eisini upp til tvey mál (assist).
Hallby er tvey stig frá áttanda plássinum, ið gevur atgongd til endaspælið aftaná lokið grundspæl. Halby hevur 10 stig á tíggjunda plássinum.
Komandi leygardag klokkan 14 verður føroyingauppgerð í Jönköpings idrottshus. Tá koma Ísak Vedelsbøl og liðfelagarnir í Sävehof á vitjan.
