Í morgin klokkan 16 verður steypafinalan í kappingini um Løgmanssteypið millum Víking og HB. Finalan verður á Tórsvølli.
Fótbóltssambandið hevur á fyrsta sinni valt at tendrað hitan undir vøllinum undir tjóðarleikvøllinum. Veðurforsøgnin boðar frá møguligum kava í morgin, men tað kemur ikki at ávirka dystin.
Hetta er fyrstu ferð, at hitarørini undir vøllinum verða tendrað. Tað er ikki uttan kostnað. Sum skilst kann rokningin fyri at hita vøllin á Tórsvølli koma upp á hálvt hundrað túsund krónur. Tí er hetta bara nakað, sum verður gjørt til teir stóru dystirnar.
Millum annað bleiv U21-landsdysturin móti Norðurmakedónia í novembur í fjør avlýstur, tí tað var frost á vøllinum. Tá var hitaskipanin ikki klár, men tað hevði verið ein stór sparing at tendrað hitan, í mun til at flyta dystin til árið eftir.
Sostatt verður steypafinalan í morgin klokkan 16, um tað er kavi ella ei. FM1 og In.fo hava beinleiðis frásøgn frá dystinum.
