Tað verður arbeitt við málinum í Fíggjarmálaráðnum, og Aksel V. Johannesen miðar ímóti, at klárt skal vera at krevja heilsutrygdina inn umvegis skattin frá fyrsta januar.
Hetta verður gjørt sum ein partur av semjuni, ið var gjørd millum Javnaðarflokkin, Sambandsflokkin og Tjóðveldi, sigur Aksel V. Johannesen.
Harvið verður gamla sjúkrakassagjaldið heilt burtur, og semjan millum nevndu flokkar tryggjar, at meiriluti er fyri broytingini á Løgtingi.
