20 av teimum 24 landsliðunum sum skulu kappast í EM-endaspælinum í fótbólti í Týsklandi komandi summar eru funnin.
Umframt týsku verturnar hava 19 landslið higartil vunnið seg til EM-endaspælið úr EM-undankappingini. Tað manglar bara í bólki D at finna útav um tað verður Kroatia ella Wales, ið fylgir Turkalandi til EM-endaspælið. Kroatia er stórur favorittur at megna tað. Kroatar hava 13 stig og taka móti Armenia á heimavølli, meðan Wales hevur 11 stig og tekur móti Turkalandi á heimavølli.
Tá landslið nummar 21 er funnið í kvøld vera tað Play Off dystir í Nations League komandi vár um trý tey seinastu plássini. Millum liðini sum fara at royna seg í Play Off dysti í Nations League er Ísland.
Hesi londini hava higartil vunnið seg til EM-endaspælið:
- Spania
- Skotland
- Frakland
- Niðurlond
- Ongland
- Italia
- Turkaland
- Albania
- Kekkia
- Belgia
- Eysturríki
- Ungarn
- Serbia
- Danmark
- Slovenia
- Rumenia
- Sveis
- Portugal
- Slovakia
- Týskland
- Kroatia ella Wales
- Play Off vinnari úr Nations League
- Play Off vinnari úr Nations League
- Play Off vinnari úr Nations League
