Vitjanin hjá Margrethu drotning heldur fram í dag, og hendan dagin skal drotningin brúka í Vestmanna, Kvívík, Vatnsoyrum og Miðvági.
Niðanfyri ber til at lesa fullu skránna fyri dagin.
Leygardag tann 17. juli í Vestmanna, Kvívík, Vatnsoyrum og Miðvági
Almenn móttøka í Vestmanna
Kl. 09.50: Borgarstjórin Pauli Trond Petersen tekur ímóti.
Arni Paulason Brattaberg og Silja Holm handa H. H. Drotningini blómutyssi. Borgarstjórin navnkennir býráðið í hesum rað:
Bjørg á Rógvi, varaborgarstjóri
Sára Jógvansdóttir
Laila Haldansen
Anja Haldansen
Ingi Olsen
Borgarstjórin heldur vælkomurøðu. Vestmanna sangkór syngur tveir sangir.
Kl. 10.30: Komið verður til Heimið á Grønanesi.
Eir Elinardóttir handar H. H. Drotningini blómutyssi, og musikkskúlanæmingar spæla.
Borgarstjórin navnkennir stjóran fyri kommunala eldrasamstarvið Niels A. Joensen og eindarleiðaran Jóhonnu Mariu Pedersen, ”Miu”.
Mia greiðir frá ellisheiminum og navnkennir listakvinnuna Astrid Andreasen, sum greiðir frá listaverkinum Ársverkið, sum hongur í trappuuppgongdini.
Eftir tað hevur H. H. Drotningin høvi at heilsa upp á hini búfólkini á felagsøkinum, har musikkskúlanæmingar leika á ljóðføri. Vitjanin endar í felagsøkinum í høgra veingi, har sagt verður frá sjósvimjing, sum Maria á Heygum hevur íðkað alt sítt lív.
Kl. 11.30: Komið verður til Mýruverkið.
Hákun Djurhuus stjóri tekur ímóti saman við nevndarformanninum Kára Johansen og næstformanninum Haraldi S. Hammer.
Hákun Djurhuus stjóri greiðir frá SEV, sum fyllir 75 ár, grønu kósini fram til 2030 og nýggja pumpuverkinum á staðnum.
Kl. 12.00: Farið verður við bili til Fjørukrónna.
Kl. 12.20: Borgarstjórin er vertur fyri miðmála.
Borgarstjórin tekur ímóti H. H. Drotningini. Borgarstjórin heldur røðu og handar H. H. Drotningini gávu. Listafólkini Jón Sonni Jensen og Silja Strøm navnkenna gávuna.
Kvívík
Kl. 13.40: Komið verður til Kvívíkar.
Uttan fyri kirkjuna taka Hans Jóhann Sørensen borgarstjóri og frú Signe Skaaning ímóti. Elinborg Skaaning Sørensen handar H. H. Drotningini blómutyssi. Borgarstjórin navnkennir bygdaráðið í hesum rað:
Frank Müller, varaborgarstjóri Marjun Danielsen
Oluf Müller
Jóhanna Vang
Michael Shemesh
Nelly Haakonardóttir Debes
Dánjal Joensen, versonur ein av sjólátnu manningini, greiðir frá minnisvarðanum uttan fyri kirkjuna, ið minnist skipið Stella Argus, sum gekk burtur í 1957 við 22 monnum.
Kl. 13.50: Fráferð til gongu til útgrevsturin Niðri á Toft.
Ann Sølvia Selmarsdóttir Purkhús fornfrøðingur tekur ímóti og greiðir frá útgrevstrinum, sum er fyrsti fornfrøðiligi útgrevstur í Føroyum. Útgrevsturin vísir húsatoftir frá víkingatíð. Súsanna Joensen konservatorur verður til staðar.
Kl. 14.20: Komið verður til vatnorkuverkið.
Borgarstjórin greiðir frá lítla vatnorkuverkinum, sum veitir barnagarðinum orku. Aftaná verður spákað inn í barnagarðin, har Ole Jakob Nielsen træsmiður og listamaður navnkennir gávuna frá kommununi til H. H. Drotningina. Býráðið verður hjástatt, tá ið gávan verður givin.
Vatnsoyrar
15.20: Komið verður til Zarepta.
Bjarni Prior borgarstjóri og frú Heidi Prior taka ímóti. Amanda Prior Braga handar H. H. Drotningini blómutyssi.
Borgarstjórin navnkennir býráðið og stjóran í kommununi í hesum rað:
Albert Ellefsen varaborgarstjóri Jóanis Albert Nielsen
Rósa Samuelsen
Dagbjørn Hansen
Tórdis Eleina Dam Johannesen Sólfríð Fjallsbak
Herborg Heidiardóttir Gaardlykke Ásla Leila B. Johansen
Jónhard Selfoss
Jóhan Hendrik Ellefsen kommunustjóri
Borgarstjórin navnkennir síðan borgarstjóran í grannakommununi Sørvágs kommunu, Eyð Ellingsgaard.
Spákað verður niðan gjøgnum garðin, har borgarstjórin navnkennir leiðsluna í Zarepta, Jákup N. Olsen og frú Dorrit Olsen.
Kiara av Rana, langabbabarn Brynleif Hansen, handar H. H. Drotningini blómutyssi.
Uttanfyri heldur Jákup N. Olsen røðu, og síðan syngur barnakór, sum John Færø stjórnar. Innanfyri í matarhøllini verður sagt frá søguni og virkseminum í Zarepta. Skipað er fyri samrøðu við børn, sum siga frá upplivingum sínum í Zarepta, og við Elsu Djurhuus, einkjuna eftir Brynleif Hansen. Saman stovnaðu tey Zarepta. Vitjanin endar við rundvísing, og H. H. Drotningin fær sum gávu eina tekning frá Heina Mørkøre, sum er gjørd í Zarepta í summar.
Kl. 19.00: Borgarstjórin er vertur fyri døgurða.
Bjarni Prior borgarstjóri og frú Heidi Prior taka ímóti H. H. Drotningini. Kvinnukórið Fljóðljóð syngur uttanfyri, tá ið komið verður. Borgarstjórin navnkennir Marit Jóhansdóttir, ið eigur hotellið, og bróðurin Napoleon Magnussen. Undir døgurðanum heldur borgarstjórin røðu og handar H. H. Drotningini gávu. Har verður tónleikaligt undirhald.
Kl. 21.15: Døgurðin endar
