Ongland vann HM-undanbólk K í stórum stíli.
Onglendingar vunnu allar átta dystirnar, og teir megnaðu tað uttan at lata nakað mál inn. Í hinum endanum skutu teir 22 mál.
Í kvøld rundaði Ongland undankappingina av við at vinna 2-0 á Albania í Tirana. Harry Kane skoraði bæði málini.
Serbia vann í Leskovac ein 2-1 sigur á Lettlandi, ið ikki var meir enn ein troystarsigur, tí Albania hevði undan dagsins dystum longu tryggjað sær annað plássið í bólkinum.
Ongland er á einum greiðum fyrsta plássi við 24 stigum. Albania hevur 14 stig, og Serbia hevur 13 stig. Lettland endaði á fimm stigum, og Andorra endaði aftast við einum stigi.
Albania-Ongland 0-2 (0-0)
0-1 Harry Kane (´74 )
0-2 Harry Kane (´82 )
Serbia-Lettland 2-1 (0-1)
0-1 Vladislavs Gutkovskis (´12)
1-1 Aleksandar Katai (´49)
2-1 Aleksandar Stanković (´60)
