Í kvøld er Ítróttafagnaður í Løkshøll í Runavík.
Fyrsti heiðurin í kvøld var: "Ársins ítróttafelagsskapur".
Tað gjørdist ítróttarfelagið á Sandoynni, B71 sum gjørdist ársins ítróttafelagsskapur.
Tórbjørn Jacobsen, borgarstjóri í Runavíkar kommunu handaði Karl Vidtfeldt, formanni hjá B71 viðurkenningina fyri heiðurin.
Í samrøðu við Trónd Arge segði Karl Vidtfeldt seg fegnast stórliga um heiðurin. Bara at vera tilnevnd var teimum í B71 ein stórur heiður. Karl takkaði teimum mongu sum gera B71 til eitt sunt og gott ítróttarfelag.
Karl sum hevur verið partur av B71 í meir enn eina hálva øld ætlar at halda fram at virka fyri B71 framyvir.
Hini innstillaðu til ársins ítróttarfelagsskap vóru Hondbóltssamband Føroya og flogbóltsfelagið, Mjølnir.
