Tíðindaskriv frá Tutl:
Útgivið 11. oktobur umvegis Plátufelagið Tutl
Draga í hjartastreingir hjá herdum lurtarum
Ivi á Tinganesi er triðja og seinasta staklagið av komandi útgávuni hjá GØ, Ævir, Amen. Við sínum djúpt lyriska melodi og søtu hornskipan er sangurin gjørdur til at draga í hjartastreingirnar hjá sjálvt teimum mest herdu lurtarunum. Tað, sum ger Iva á Tinganesi serstakan, er evnini at vekja bæði sorgblídni og gleði samstundis. “Eg vildi fanga tær tvífaldu kenslurnar av at byrja ein nýggjan kapittul í lívinum – ta sorgblíðu kensluna av at leggja okkurt eftir sær, meðan man er spentur upp á tað, sum liggur fyri framman,” greiðir tónaskald og frontmaður Ólavur Eyðunsson Gaard frá.
