Nývalda Løgtingið hevði sín fyrsta fund leygardagin, og tá varð nýggjur løgtingsformaður valdur.
Eisini tóku trý nýggj tingfólk sæti á Tingi fyri tey trý fólkini, sum framvegis sótu í landsstýrinum fyri Sambandsflokkin.
Talan var um Reimund Langgaard, Eivin Jacobsen og Jóna Mortensen, sum koma á Ting fyri Kaj Leo Holm Johannesen, løgmann, Johan Dahl, vinnumálaráðharra og Rósu Samuelsen, almannamálaráðharra.
Síðani varð nýggjur løgtingsformaður valdur fyri Hergeir Nielsen – sum forrestin ikki stillaði upp aftur.
Tað var Fólkaflokkurin, sum fekk løgtingsformannin, og valið fall á Jógvan á Lakjuni, ið hevu drúgvar royndir, bæði sum løgtingsmaður og sum landsstýrismaður í mentamálum.
Á løgtingsfundinum týsdagin tók Rósa Samuelsen so sæti á Tingi fyri Bjørn Kalsø, sum tók við sum landsstýrismaður í mentamálum.
