Á ársfundinum hjá Sjálvstýrisflokkinum, sum var í Havn í gjár, varð samtykt, at Kári P. Højgaard skal halda fram sum formaður floksins. Til næstformann varð valdur Kári á Rógvi, sum avloysir Eyðun Elttør
Til ársfundin hevði Kári á Rógvi sent skriv inn, har hann heitti á ársfundin um at velja Kára P. Højgaard at halda fram sum formaður floksins.
Í skrivinum vísti hann á tað positivu gongd, sum tað hevur eydnast Kára P. Højgaard at skapa fyri flokkin.
Kári á Rógvi varð valdur til næstformann og avloysir hann Eyðun Elttør, sum hevur røkt henda sessin í nøkur ár, sigur flokkurin í tíðindaskrivi.
