Meðan Kina er í holt við eina stóra hernaðarvenjing kring oynna, Taiwan, vitjar russiski verjumálaráðharrin, Andrej Belousov, kinesiska høvuðsstaðin.
Tað veit russiskaverjumálaráðið at siga sambært Reuters.
- Á vitjanini skal russiski verjumálaráðharrin tosa við hernaðarleiðarar og hernaðarpolitiskar leiðarar, verður sagt um russisku vitjanina í Beijing.
Kina og Russland hava hildið sambandið við líka eftir russisku innrásina í Ukraina.
Taiwan hevur sett í verk revsitiltøk móti Russlandi, og Russland hevur sett landið á lista yvir "ikki-vinalig" lond.