- Í summar er ætlanin hjá Kvívíkar kommunu at halda fram við arbeiðnum at gera kloakkina í Kvívík lidna.
Tað siga tey í Kvívíkar kommunu.
- Í hesum umfarinum verður farið undir at gera kloakkina lidna í Geilini, og ætlanin er, at arbeiðið skal byrja fyrst í næstu viku.
Í Kvívíkar kommunu vita tey ikki við vissu, hvørjar forðingar kunnu vísa seg at fara at vera, meðan arbeiðið verður gjørt.
- Tí er eisini trupult at siga, nær arbeiðið verður liðugt.
Í Kvívíkar kommunu vóna tey, at borgararnir bera yvir við, at forðingar verða í økinum, meðan arbeitt verður.
##med2##
- Væntast kann, at forðingar verða bæði hjá koyrandi og gangandi, verður lagt aftrat.
