Fyrrapartin spældu Kyndilsmenn fjórða og seinasta dystin í altjóða kapping í Norðurmakedonia nevnd: "Krste Andonovski International Tournament".
Aftaná meir ella minni greiðar ósigrar í innleiðandi bólkaspælinum, tapti Kyndil heiðurliga í dag 24-28 fyri serbiska liðnum, RK Dinamo Pancevo.
Í steðginum var enntá javnleikur 12-12.
Í innleiðandi bólkaspælinum tapti Kyndil 21-34 (11-15) fyri HC Partizan úr Serbia, 20-28 (10-15) fyri kroatiska liðnum, Nexe, og 25-39 (13-21) fyri vertsliðnum, HC Ohrid.
Talan hevur verið um góða sparring undan kappingini heima í Føroyum.
Sunnudagin 7. september spælir Kyndil stórsteypadyst móti H71.
