Leygardagin hin 1. november er allahalgannadagur, og sum siðvenja er, skipar Føroyska Sjómansmissiónin fyri minningarhaldi teirra sjólátnu.
Minningarhaldið verður á Vinnuháskúlanum, Nóatún 2, í Havn, leygardagin 1. november klokkan 14.
Aksel V. Johannesen, løgmaður, talar, og Uni Næs, dómpróstur, hevur andakt.
Síðani verður farið niðan í Viðarlundina, har løgmaður vegna Føroya fólk leggur krans við minnisvarðan, og dómpróstur heldur bøn og lýsir signingina.
- Øll eru hjartaliga vælkomin, sigur Føroyska Sjómansmissiónin um minningarhaldið, sum byrjar á Vinnuháskúlanum og endar í Viðarlundini.
##med2##
