Kambodjatoymið hjá Heimamissiónin hevur møti í Kirkju- og missiónshúsinum á Argjum í kvøld klokkan 18.
Í juli og august í ár vóru 11 føroyingar í toymi í Kambodja í Eysturásia. Toymið arbeiddi millum børn og vaksin. Har sóu tey nógv og upplivdu nógv. Fólkið er fátækt og hevur liðið nógv. Hetta m. a. vegna Pol Pot og Reyðu Khimerarnar, sum har ráddu í 70-árunum. Bara 1-2 % eru kristin.
- Á møtinum verða myndir vístar, meðan sagt verður frá ferðini, siga fyrireiakrarnir.
Við í toyminum vóru: Mourtis og Mirian Mouritsen, Kristian Fríðrik og Lisbeth Olsen, Leo-Hans og Sigrun Mikkelsen, Bergur og Asta Joensen, Bjørg Højgaard, Kristian Østergaard og Tór Øre Hansen. Øll eru hjartaliga vælkomin!
