Tað var leygarmorgunin klokkan 04.30, at løgreglan fekk eina fráboðan um, at ein persónur hevði hótt ein mann í Klaksvík við knívi.
Løgreglan vildi ikki siga stórvegis um málið í gjár, men í morgun visti vaktleiðarin at siga, at persónurin hevur játtað seg sekan í øllum, sum vaktleiðarin málbar seg.
- Persónurin, sum varð handtikin, er avhoyrdur og leyslatin aftur, men er framvegis skuldsettur fyri hóttanir, herverk og fyri húsaófrið.
Tá løgreglan kom á staðið leygarmorgunin, var friður beinanvegin.
Vaktleiðarin helt fyri, at tað, at persónurin hevur játtað seg sekan í øllum og ikki er varðhaldsfongslaður, sigur, at málið kanska ikki er so ógvusligt, sum talan kundi verið um.