Í gjárkvøldið var setanin av ársins mentanardøgum í Sunda kommunu.
Sum vanligt er, varð eisini ársins herðaklapp handað persóni ella felagsskapi, sum hevur gjørt sjálvboðið arbeiði til gagns fyri fólkið í økinum.
Í ár fekk Magnus á Stongum væl uppiborna heiðurin fyri sítt áhaldandi og savnandi arbeiði at knýta EB og Streym saman í 90’unum.
- Í dag hava vit stóra felagsliðið, EB/Streym, sum er til gagns fyri okkara ungu.
Her hevur Magnus á Stongum verið virkin í nógv ár sum venjari, nevndarlimur, sjálvboðin lækni og mangt annað.
- Út yvir tað hevur hann verið virkin í Norðljómi og Eiðis Ljómfelag í nógv, nógv ár.
Lagt verður aftrat, at hóast hann í dag er 73 ára gamal, so spældu Magnus á Stongum, Jóan Jakku og Holgar góðar tónar í kvøld.
- Hjartaliga tillukku við herðaklappinum, Magnus!
Soleiðis skrivaði Eyðstein Zachariasen, kommunustýrislimur og varaborgarstjóri á sínum Facebook-vanga í gjárkvøldið.
