Portugisiska fótbóltsstjørnan Cristiano Ronaldo vitjar í dag amerikanska forsetan, Donald Trump, í Hvítu Húsunum.
Hetta vátta fleiri almennar keldur fyri ítróttarmiðlinum The Athletic.
Vitjanin hjá Ronaldo fellur saman við, at Trump tekur ímóti saudiarabiska krúnprinsinum, Mohammed Bin Salman, í ovala kontórinum.
40 ára gamli portugisarin, sum fimm ferðir er kosin heimsins besti fótbóltsleikari, hevur spælt við Al-Nassr í saudiarabisku fótbóltskappingini í skjótt trý ár.
Felagið er fíggjað av saudiarabiska statsgrunninum, almenni íløgugrunninum (PIF).
Cristiano Ronaldo er liðskipari á portugisiska landsliðnum, sum sunnudagin spældi seg víðari til HM næsta ár, sum USA er vertur fyri.
Úttøkan varð tryggjað við sigri á Armenia. Cristiano Ronaldo var tó ikki partur av tí dystinum. Hann varð vístur av vølli móti Írlandi tríggjar dagar frammanundan og fekk tí leikbann.
/Ritzau/
