Í gjárkvøldið var fimti og seinasti dysturin í 17. umfari í Betri deildini hjá monnum. Á Argjum var botnbrak millum AB og Skála, sum endaði við javnleiki 1-1. Hetta var bara onnur royndin hjá Sorin Anghel sum venjari hjá Skála, og tað eydnaðist honum at tvífalda stigatalið hjá skálamonnum.
Skálamenn komu á odda aftaná 34.minuttir, tá Jan Ingason Hansen hegnisliga við rygginum móti málinum sendi bóltin í netið til 1-0. Argjamenn vóru avbera ónøgdir við sítt egna avrik í fyrra hálvleiki, men tað bleiv nakað betri í seinna hálvleiki.
Tað gjørdi góðan mun, at Adeshina lawal kom á vøllin. Hann helt væl upp á bóltin og átti lut í fleiri av álopunum, ið argjamenn fingu. Tá eitt korter var eftir av dystinum endaði bólturin hjá Adeshina Lawal, sum sendi bóltin framvið trimum skálamonnum og málverjnum. 1-1 og tað bleiv eisini úrslitið.
AB - Skála 1-1 (0-1)
0-1: Jan Ingason Hansen 34.
1-1: Adeshina Lawal 74.
Dómari: Rúni Gaardbo
AB: Bjarti Vitalis Mørk – Regin Dánjalsson, Sørin Samuelsen, Gert Drangastein (Ari Arge, 68.), Jákup Pauli Breckmann, Asbjørn Heðinsson – Leivur Fossdal Guttesen (Adeshina Lawal , 54.), Eli Christiansson, Janus Svabo Samuelsen (Bjarni Skála, 64.), Tóki á Lofti – Bjarki C. Nielsen
Gult kort: Sørin Samuelsen
Venjarar: Tonny Brimsvík og Símun Samuelsen
Skála: Bárður á Reynatrøð – Jónhard Frederiksberg, Teitur R. Joensen, Petur Pauli Mikkelsen, Hjalti Strømsten – Haraldur R. Højgaard, Niels Pauli Danielsen – Poul Kallsberg, Andreas Egeberg Jacobsen (Jóhan Bergsson Johansen, 80.), Ronnie Møller-Iversen – Jan Ingason Hansen
Gult kort: Andreas Egeberg Jacobsen, Niels Pauli Danielsen
Venjari: Sorin Anghel
Her eru nakrar myndir frá dystinum á Argjum í gjár:
##med2##
##med3##
##med4##
##med5##
##med6##
##ms##
