Við teprum 1-0 sigri á útivølli ímóti Skála hevur B71 strítt seg av aftasta plássinum, sum sandoyingar leingi hava verið á. Tapið ber við sær, at Skála nú er aftast.
Hetta var annað vikuskiftið á rað, at B71 vann fulla úrtøku. Síðsta sunnudag vunnu sandoyingar á heimavølli ímóti KÍ.
HB var tað einasta av trimum teimum fremstu, sum í hesum umfarinum vann fulla úrtøku. Talan var um rimmar 5-0 heimasigur á B68, sum leingi helt tørn. Í hálvleikinum var støðan 1-0.
Stóri maðurin í Gundadali var Andrew av Fløtum, sum skoraði trý tey seinastu HB málini.
At Víkingur fríggjakvøldið vann í Runavík, og at B36 í dag tapti í Klaksvík ber við sær, at Víkingur nú er á triðja plássi.
Víkingur og B36 hava 21 stig í part, men Víkingur hevur betri málmun. Hjá Víkingi er málmunurin +7, og B36 málmunurin er +5.
ÍF og KÍ hava bæði 17 stig. KÍ er ovari á talvuni, tí málmunurin hjá KÍ er -4, meðan málmunurin hjá ÍF er -7. ÍF og KÍ hittast um eina viku í Fuglafirði.
14. umfar
NSÍ-Víkingur 1-3
ÍF-EB/Streymur 2-0
Skála-B71 0-1
KÍ-B36 2-0
HB-B68 5-0
EB/Streymur 32 stig
HB 25 stig
NSÍ 24 stig
Víkingur 21 stig
B36 21 stig
KÍ 17 stig
ÍF 17 stig
B68 14 stig
B71 12 stig
Skála 11 stig
15. umfar
Hósdagin 10. juli
NSÍ-HB
Leygardagin 12. juli
B68-B71
Sunnudagin 13. juli
Víkingur-Skála
ÍF-KÍ
B36-EB/Streymur
