Tvey norsk F-35 stríðsflogfør eru í dag lend í Póllandi, og seinni koma tvey norsk flogfør aftrat til landið.
Fløgførini eru lend í pólska býnum, Poznan, eins og manning og teknikarar eisini eru komnir til flogførini.
Norsku jagaraflogførini skulu verða við í einum Nato-átaki, sum hevur til endamáls at verja loftrúmið yvir Póllandi.
Tv2.no veit at siga, at hetta er aðru ferð, at norsk F-35 flogfør hjálpa til í Póllandi.
Hesaferð skal norska flogmanningin starvast í tøttum samstarvi við F-35-flogfør og manningar úr Niðurlondum.
