Hósdagin verður ein forvitnislig avdúking uppi á Hotel Føroyum.
Eitt toymi, ið nevnir seg Airport 19, fer at avdúka eina flogoyggj. Sambært Airport 19 kunnu heimsins størstu flogfør lenda á hesi flogoynni, eins og at lendast kann í mjørka og uttan turbulen.
Við tað at flogoyggin fer at hava fýra innflúgvingarmøguleikar, fer regulariteturin at vera nær við 100 prosent.
- Høvuðsvinna okkara fer við flogoynni at kunna senda stórar nøgdir av fiski til marknaðin og verða á marknaðinum við fiskinum innan fáar tímar. Skjóta og trygga atgongdin til marknaðin fer at hava við sær hægri prísir fyri okkara fiskavørur. Flogoyggin fer somuleiðis at hava týdning fyri ferðavinnuna og føroyingar sum heild, skriva fyriskipararnir í innbjóðingini, sum Miðlahúsið hevur fingið sendandi.
Men tey siga ikki, hvar í Føroyum, hugsanin er at hendan nýggja oyggin skal vera.
Við til framløguna verða:
Jóannes Petersen, arkitektur maa – stigtakari
Johan Dahl, landstýrismaður í vinnumálum
Rani Nolsøe, Íverksetarahúsið
Jóhanna á Bergi, stjóri Faroe Ship
Gestur Hovgaard, Ph.D. lektari í samfelagsvísindum
Guðrið Højgaard, stjóri Visit Faroe Islands
Kjartan Hoydal, stjóri Fish and Film
Albert Isfeld, arkitektur
Rúni Højgaard, flogskipari
Sonni Smith, Journalistur
Við í Airport 19 toyminum eru:
Jóannes Petersen, arkitektur maa – stigtakari
Albert Isfeld, arkitektur af
Gudmund Hansen, arkitektur af
Rúni Højgaard, flogskipari
Rói Højgaard, simulering FDS
Sonne Smith, Journalistur
Preben Hansen, verkfrøðingur
