Mikudagin í farnu viku hevði KT-felagið aðalfund, og á aðalfundinum var eitt nú nevndarval á skránni.
Fróði Magnussen, Kjartan Thomassen og Gudny Langgaard vórðu øll afturvald. Umframt tey, ið stóðu fyri vali, eru Júst í Túni Vang og Michael Thomsen eisini nývaldir í nevndina.
Í nevndini sita sostatt Ólavur Ellefsen, Gudny Langgaard, Fróði Magnussen, Kjartan Thomassen, Júst í Túni Vang og Michael Thomsen.
9 fyritøkur eru í løtuni limir í KT-felagnum. Farna árið hevur KT-felagið virkað fyri at varpa ljós á føroyska KT-vinnu og førleikar. KT-felagið hevur sett sær fyri, at hava ein virknan leiklut í KT-umhvørvinum í Føroyum, til frama fyri vinnuna og samfelagið sum heild.
Kelda: Vinnuhúsið
