ODDAGREIN: Varin við heitum búskapi

Byggivinnan kann tí rokna við at fáa úr at gera.

Sum víst verður á í »Vinnuni« inni í blaðnum í dag, so skulu milli­ard­­a­­upp­hæd­dir brúk­ast, og longu í ár er ein milliard krón­ur í al­menn­um í­løgum í bygn­ing­um, veg­um og tunl­um.
Vit hava í dag eitt yvirlit yvir størstu íløgurnar í byggivinnuni í dag.

Tann leingi væntaði skúladepilin við Markn­agili er endi­liga farin av bakkastokki og í hesum føri skulu 515 milliónir brúkast yvir fimm ár. Í ár skulu 149 milliónir brúkast til hesa byggiætlaninia, og stjórin í TG Verk, sum stendur fyri byggjarínum, sigur við blaðið í dag, at hann fyrireikar seg til, at hann skal brúka útlendska arbeiðsmegi.

Av øðrum stórum byggiætlanum kunnu vit nevna risastóru íløguna hjá Bakka­frost upp á 1,1 milliard krón­ur yvir fimm ár, har 280 mill­i­ónir skulu brúkast í ár.
Uppsjóvarvinnan byggir eisini í ár. Í Fuglafirði byggir Pelags nýtt virki fyri 200 milliónir – sum skal standa klárt í summar.

Samstundis sum alt hetta er í gongd, so brúka útlendsk olju­feløg við Statiol á odda hálva aðru milliard til at leita eftir olju á land­grunn­inum ­bara í summar. Hetta kast­­ar 2-300 milliónir av sær til før­oyska samfelagið.

Gevur henda leitingin úrslit, so fer tað næstu árini sambært Magna Laks­a­foss at skapa eini 600 nýggj ar­beiðspláss og økja fólkatalið við eini 2.000 fólkum – og annars kasta av sær upp til níggju milliardir krón­ur til føroyska landskassan.

Arbeiðsloysið er longu kom­ið niður á 4,1 prosent, og tá bygg­i­vinn­an longu fyrireikar seg upp á út­lendska arbeiðsmegi, so eru tekin um ein heitan búskap. Samstundis hava vit nógvar føroyingar, sum arbeiða uttanlands og sum til­samans tjena eina milliard krónur.

Arbeiðsgevararnir vísa á, at trup­ult er at fáa útlendska arbeiðsmegi, og vilja teir gera tað smidligari, skjótt at fáa útlenskar hendur til ar­beiðis í Føroyum.

Hetta eru góð tekin – men tað krev­ur eisini, at vit politiskt leggja tað væl til rættis. Í einum heitum búskapi er avbjóðingin at halda prísinum niðri. Gera vit ikki tað, so fara metingarnar ikki at halda, og so verða allar verkætlanirnar munandi dýrari.