Okkaradeildin fer í jólafrí við tveimum topp-brakum

Okkaradeildin: Leygardagin 21. desember 2019

16.00: H71 - Neistin (FM 1 sigur frá)

16:00: StÍF - VÍF

Okkaradeildin er farin inn í seinastu seks dystirnar í grundspælinum og stŕiði um tey fýra hálvfinaluplássini er framvegis púra opið.

Eftir at KÍF hevur reist seg við tveimum sigrum á rað á StÍF og Team Klaksvík, er bert eitt stig upp til VÍF og tvey til StÍF.

Júst tey bæði liðini bresta saman á Skála í dag, og taparin av hesum dysti fer at kenna andadráttin av kollfirðingum í nakkanum, til seinastu fimm dystirnar.

Í Hoyvík er oddabrak ímillum H71 og Neistan á skránni. Dysturin var spennandi í sær sjálvum, men eftir at Neistin brádliga segði venjaran hjá sær upp hósdagin, er stóri spenningurin serliga um hvussu hetta fer at ávirka Neistan, sum er formsterkastasta liðið í deildini við fimm sigrum á rað.

Sí eisini:

Koyrdur eftir fimm sigrar á rað: - Tú vinnur ikki hasar dystirnar um tú venur illa

Fremsta plássið í Okkaradeildini er umráðandi, tí tað gevur ein dyst á heimavølli um hálvfinalur og finalur skulu avgerast í einum seinasta dysti, so eingin ivi er um, at bæði liðini síggja hetta sum ein toppdyst, hóast serliga H71 kann kenna seg rættiliga trygt at sleppa í hálvfinalurnar eftir teir 18 dystirnar í grundspælinum.

Sí stigatalvu niðast

Hetta er triði og seinasti innanhýsis dystir ímillum hesi feløgini. Hinir innanhýsis dystirnir eru gingnir soleiðis:

Støðan í Okkaradeildini