Óli Breckmann hevur verið ein av okkara mest eyðsýndu politikarum í eitt mannaminni, serliga kendur fyri sín hvassa penn og góðu taligávur.
Nú fer hann eisini at royna seg sum vert á Rás2.
Hesar næstu seks mikudagarnar verður Óli Breckmann vertur í sending á Rás2, og hann byrjar longu í dag.
Sendingin verður ímillum klokkan 16 og 17, og innihaldið verður fyri tað mesta av samfelagsligum slagi.
Óli Breckmann fær gestir í studio at tosa um ymisk evni, og okkurt kjakið fer ivaleyst eisini at spyrjast burturúr.
Í dag verður sendingin við Óla Breckmann um fólkasamansetingina í Føroyum, og ein av gestunum verður Hans Pauli Strøm, sosiologur og sum arbeiðir á Hagstovuni.
