Ígjárakvøldi spældi føroyski landsliðsmálverjin, Pauli Jacobsen sín fyrsta kappingardyst í fronskum hondbólti.
Pauli og liðfelagarnir í Cherbourg spældu dyst á útivølli í fronsku steypakappingini móti US Ivry.
US Ivry vann stórsigur 34-19. Longu í steðginum var US Ivry á odda 18-8.
Pauli og liðfelagarnir spældu annars tríggjar tættar venjingardystir í seinnu helvt í august.
Cherbourg spælir fyrsta dystin í næstbestu fronsku deildini komandi fríggjakvøld klokkan 19.30. Dysturin verður á útivølli móti Pontault.
