Svimjing
Tær hava báðar hava umleið somu sergreinar, rygg og frísvimjing, og hava tí kappst, líka síðani tær vóru heilt smáar. Í vetur dróg Birita eitt sindur frá Poulu og restini av gentunum í árgangi 1995, við longu á stevnu í Klaksvík í februar at svimja undir kravtíð til Norðurlendsku JuniorMeistarstevnuna og Oyggjaleikir, og á Oyggjaleikaúttøkustevnuni at kvalifisera seg í ryggsvimjing til heimsmeistarastevnuna í Rom. Út á várið kom Poula sterkt aftur, við á Oyggjaleikaúttøkustevnuni at kvalifisera seg til Oyggjaleikir og Norðurlendsku JuniorMeistarastevnuna, og síðani á Føroyameistarastevnuni at taka juniormetið frá Biritu í 50 metra frísvimjing. Tær hava tikist øgiliga á báðum meistarastevnunum í vár, og vunnið bæði eitt og annað í hvør sín part, men eru tó enn øgiliga væl, tvørtur um heiðursmerki og kravtíðir, svimjifeløg og met.
Í summar skulu tær altso luttaka fyri Føroyar á Oyggjaleikum, og fáa heilt víst báðar avgerandi leiklutir í bæði einstaklingakappingum og liðsvimjingum. Birita hevur kvalifiserað seg til Oyggjaleikir í 50 rygg, og svimur hartil sum einstaklingur 100 og 200 rygg.
Poula hevur kvalifiserað seg í somu 50 rygg, og hartil svimur 100 blandað. Men sum nummar 3 og 5 av øllum í 50 frí á Føroysku Meistarstevnuni herfyri, kann tað so væl hugsast, at har verður boð eftir teimum eisini í 4x50 frí stafettini, umframt at tann skjótara av teimum skal svimja rygg í 4x50 blandað.
So ungu vinkonurnar fáa nokk at síggja til, á Oyggjaleikum.
