Ársins G!-Festivalur er av álvara skotin í gongd, og stemningurin í Gøtu er stak góður. Ein av teimum, sum hevur spælt í dag, er Benjamin Rajani.
Hann luttók saman við bólki sínum til tónleikakappingina Sement 2023, og tá bleiv hann valdur til at spæla á G!-Festivalinum.
Hvussu var at spæla?
– Tað føldist gott. Hetta vóru sangir, sum eg havi havt fyri meg sjálvan leingi. Tað var deiligt endiliga at kunna deila teir, sigur Benjamin Rajani.
Í september fer hann í studio í Keypmannahavn.
– Ein fløga kemur út einaferð í 2024. Tað verður spennandi. Vónandi fái eg høvi at fara á fleiri festivalar tá, sigur Benjamin Rajani, sum plagar at vera á G!, tá hann kann.
Hvat gleðir tú teg annars til at hoyra?
– Eg gleði meg at hoyra Marius Ziska, Lucky Lo og Eivør.
