Kina sigur í dag, at nýggj revsitiltøk og fíggjarligt trýst móti Iran er eingin loysn á stríðnum í Miðeystri.
Tað er eitt talsfólk fyri kinesiska uttanríkisráðið, Lin Jian, sum eigur orðini.
Í gjár skrivaði amerikanski forsetin, Donald Trump á Truth Social, at hann fer at seta í verk "tey mest oyðileggjandi búskaparligu átøkini" nakrantíð móti Iran.
Ógreiða er tó um, júst hvørji tiltøk forsetin hugsar um.
- Vit heita á partarnar um at taka ábyrgd og loysa trupulleikarnar við politiskum og diplomatiskum samrøðum, sigur talsfólkið í kinesiska uttanríkisráðnum.
Tað er heimasíðan - www.tv2.no - sum endurgevur talsfólkið, Lin Jian.
