Hetta gjørdist ein góður dagur hjá føroyingunum í næstbestu donsku hondbóltsdeildini hjá monnum.
Rói Berg Hansen tryggjaði liðið sínum, HØJ javnleik við at skora til støðuna 32-32 beint undan hallarlúðurin ýldi fyri dystarloki í Grindsted.
Talan er um fyrsta stigið HØJ missir hetta kappingarárið, og um fyrsta stigið Grindsted tryggjar sær hetta kappingarárið, men teir í HØJ mundu anda lættan nú tap var í hendi móti dystarloki.
Rói skoraði fimm mál fyri HØJ í dag. HØJ var á odda 18-15 í steðginum.
Jónas G. Djurhuus skoraði fimm mál fyri FIF, ið vann ein sera spennandi dyst á RIngsted á heimavølli. FIF vann dystin 32-31. Tá ein minuttur var eftir javnaði Jónas til 31-31, og beinti undan dystarloki syrgdi Mathias Lind fyri, at tokið lyfti seg í høllini, tá hann sendi bóltin í netið til støðuna 32-31 til FIF.
Liðið hjá Róki Akralíð, HC Aarhus vann 30-26 á Team Sydhavsøerne á útivølli. Í steðginum var HC Aarhus á odda 15-10. Rókur var ikki millum málskjúttarnar hjá HC Aarhus í dag.
Í morgin spæla Brandir Halgirsson, Leivur Mortensen og liðfelagarnir í Ajax móti Odder á útivølli. Rógvi Dal-Christiansen og liðfelagarnir í Roskilde taka á heimavølli móti Tønder.
Nr | Lið: | Dystir | Stig |
1 | HØJ | 4 | 7 |
2 | Rækker Mølle | 4 | 6 |
3 | Roskilde | 3 | 4 |
4 | Skive | 4 | 4 |
5 | TMS Ringsted | 3 | 4 |
6 | Ajax | 3 | 4 |
7 | Aarhus HC | 3 | 4 |
8 | Team Sydhavsøerne | 3 | 4 |
9 | IK Skovbakken | 4 | 3 |
10 | Odder | 3 | 2 |
11 | TM Tønder | 3 | 2 |
12 | FIF | 3 | 2 |
13 | Otterup HK | 4 | 1 |
14 | Grindsted GIF | 3 | 0 |