Lena Anderssen, sum gav út ársins fløgu í Føroyum í fjør, spælir á Summar Festivalinum í august.
Lena Anderssen gav í fjør út fløguna Letters From The Faroes, sum fekk sera góða móttøku.
Skoðsmálini vóru góð, og á Planet Awards varð fløgan eisini kosin at vera ársins fløga 2011.
Hon vann eisini heiðursløn fyri at verða ársins songkvinna og ársins einstaklingur og sostatt varð
Lena Anderssen stóri vinnarin á Planet Awards í fjør.
Lena Anderssen hevur í næstan 15 ár arbeitt saman við Niclasi Johannesen, og tey hava saman skrivað sangir, spælt teir inn og givið teir út á fløgum. Gjøgnum árini hevur Lena havt nógv hitt herheima.
Eitt nú sangir sum I Still Love You, Cant Erase It, Step On The Gas, Oh My Lady og True Love In A Way hava verið nógv spældir á útvarpsrásunum.
Lena hevur eisini verið sera virkin uttanlands. Hon hevur ferðast við sínum tónleiki millum annað í norðurlondum og í norðuramerika og hon hevur eisini latið sangir til kendar amerikanskar sjónvarpsrøðir.
Á Summar Festivalinum í august fer Lena Anderssen at hava konsert við bólki. Hon fer at spæla sangir av nýggju útgávuni og góðar, gamlar sangir.
Bólkurin verður væl mannaður við tónleikarum onkrum tónleikara, sum kemur úr útlandinum til høvið - og lagt verður upp til eina stórsligna framførslu á Vágsbøi.
